#Bizi. #Euskarazbizi. Euskal Herrian Euskarazek bere egin du 'eta zu, nola bizi zara?' lelopean egindako kanpaina. Bukatu gabeko hainbat bideo jarri zituen sarean, eta orain Euskaraz Bizi Egunera deitzeko kanpaina izan dela argitu du.

Euskaraz Bizi Egunean eta Nazio Manifestazioan parte hartzeko deia luzatu du Euskal Herrian Euskaraz herri mugimenduko eragile euskaltzaleak gaur goizean Donostian egindako agerraldian. Harekin batera Euskaraz Bizi Eguna prestatzen ibili diren 60 lagun baino gehiago bildu dira Donostiako Alde Zaharreko Trinitate plazan.

Iragan larunbatean Euskaraz Bizi Egun txikia antolatu zuen Beasaingo EHEk (Gipuzkoa). Jende andana bildu zen giro ederraz gozatzeko. Herri horretan berria da EHEren taldea, eta gogotsu datoz, ez dago dudarik. Jarraian duzue haiek prestatutako kronikatxoa:

Larunbatean Euskaraz Bizi Egun txikia antolatu zuen Zarauzko EHEk (Gipuzkoa). Egun osoko egitaraua prestatu zuen Euskaraz Bizi Egunerako giroa berotzeko asmotan.

Joan den ostiralean bertso afari jendetsua ospatu zuen Durangoko EHEk (Bizkaia). Igor Elortza, Jon Maia eta Amets Arzallusek kantatu zuten, eta ehun herritar inguru bildu ziren, aspaldiko partez giro ederrean afaltzeko.

Gaur goizean ekimena egin du EHE herri mugimenduko eragile euskaltzaleak Euskararen Erakunde Publikoak (EEP) Baionan duen egoitzan. Hizkuntza politika burujabea galdegin, eta erakundearen iruzurra agerian utzi dute. EHEren eskakizunak biltzen dituen idazkia erregistratu dute EEPn.

Doka kafe antzokian egindako ekitaldian martxoaren 17an Donostian ospatuko den Euskaraz Bizi Egunari buruzko zehaztapenak eman ditu eragile euskaltzaleak. Bidenabar, webgune berritua eta atxikipen kanpaina ere aurkeztu ditu.

EHEk deituta Euskaraz Bizi Eguna izango da heldu den martxoaren 17an Donostian. Auzolanetik sortutako egitarau zabala izango du euskaraz bizitzeko hautuari hauspoa eman eta jaia eta aldarrikapena uztartuko dituen egitsmoak. Egitarau zabal horren baitan, azpimarratzekoa izango da "Euskalduna naiz eta harro nago!" lelopean egingo den Nazio Manifestazioa. Hementxe duzu manifestazioari, eta bide batez, Euskaraz Bizi Egunari zure atxikimendua agertzeko modua.

Herritarrek euskaraz bizitzeko eskubidea dutela aldarrikatu du Faltzesko Udalbatzak (Nafarroa). Bide horretan herriaren sarrerako seinalean Faltzes izen euskalduna paratzea onartu dute. Alde bozkatu dute Agrupacion Independiente Falcesina alderdiko 6 zinegotziek, eta aurka PSNko 5ek. Aurretik 175 herritarren sinadura lortu zituen onartutako mozioak.

Nafarroako Administrazio Auzitegiak bertan behera utzi ditu Izarbeibarko (Nafarroa) euskararen ordenantzako puntu batzuk, Garesko Auzalan elkarteak bere blogean jakinarazi duenez. Mankomunitateak igorritako dokumentu, agiri eta komunikazioak ezinen dira elebidunak izan, Administrazioei ezinen die euskaraz komunikatzeko eskaririk egin, eta Mankomunitatearen izen ofiziala ezinen da bi hizkuntzatan egon. Sententzia Vascuencearen legean oinarritu da, eta Javier Molinet Carretero garestarrak aurkeztutako errekurtsoari erantzuna eman dio.