Txema esteban marrazkilariaren eskutik EHEk 2013ko Euskaraz Bizi Egunerako prestatu duen spota duzue ikusgai. Ea zer diozuen!

Larunbatean hezkuntza eredu arrotzen aurkako elkarretaratzea eta giza-katea antolatu zituen EHEk Donostian, "Guk eskola euskalduna!" kanpainaren baitan. Irutxuloko Hitzak Xabat Laborde EHEko kidearen hitzak bildu ditu bideo honetan.

ZUZEU (CC):

Euskararen normalkuntzarako politika ezbaian jartzen duen diskurtsoa ozen entzuten den garaiotan -baita ustezko euskaltzaletasunetik ere- oxigenoz betetzen dituzte birikak Lorea Agirreren hitzek (Beasain, 1968). Alderdi batzuk ‘Hizkuntzak askatasunean’ leloan laburbiltzen duten pentsaera biluztu du Agirrek, taxuz, gaur egun gutxik egiten duten bezala. Argudioz sendo jantzita, hizkuntzaren eta hiztunon egoeraz mintzo da, aldi berean aztergaiaren subjektu izateak daukan esperientzia pertsonalaz horniturik. Kazetari eta antropologoa izaki, Lorea Agirrek euskararen eta euskal kulturaren inguruko ikerketetan parte hartu du Mondragon Unibertsitatean.

Kike Amonarrizek Arrasaten (Gipuzkoa) emandako hitzaldia, Goiena Komunikazio Taldearen eskutik.

"Haize berritu" kantarekin bideoklipa grabatu dute Bernart Etxepare Ikastetxe Publikoan. Izan ere, Sortzen-Ikasbatuazekin batera eskola hori izanen da aurtengo Euskal Eskola Publikoaren Jaia antolatzen duena. Maiatzaren 18an eta 19an ospatuko da besta nazionala, Iruñeko Txantrea auzoan eta Takonera parkean hurrenez hurren.

Korrika 18k euskara ikasleak omenduko ditu, eta haiei eskerrak emateko bideoa sortu du AEK-k. Eriz Zapirainek zuzendu du, eta ikasleak euskaldun ezagunekin solasean ageri dira bertan. "Ikasleen ahaleginarekin euskaraz bizi ahal izatea ahalbidetzen eta, beraz, elkarbizitzarako aukerak sortzen ari direlako, bihoakie egun euskalduntzen eta alfabetatzen ari diren ikasle guztiei Korrika 18ren eta AEKren omenaldia", azaldu dute Korrikaren webgunean.

Euskal Herrian Euskaraz eragile euskaltzaleak Irutxuloko Hitzaren aldeko kanpainan parte hartu du. Xabat Laborde, Amaiur Esnaola, Amaia Urzelai eta Ander Albisuk bertako euskarazko komunikabideen garrantzia azpimarratu dute bideo honen bitartez.

Cristina Uriarte Araba, Bizkai eta Gipuzkoako Hezkuntza, Hizkuntza eta Kultura sailburua lehenbiziko aldiz elkarrizketatu dute ETB1eko Azpimarra saioan. Jaurlaritzak erdal ereduak babesten jarraituko duela esan du, eta Euskararen Legeari buruz ez hitz egitea hobetsi du elkarrizketan.

"Urte berri, asmo berri" ekimena antolatu du Etxarri-Aranazko EHEk.  Ohitura txarrak erre eta konpromiso berriak hartuko dituzte euskaltzaleek. 

Jaione Astibia Leitzan bizi da, Nafarroan. Herri euskaldunak babesteko beharraz mintzatzen da Kontseiluak prestaturiko bideo honetan. Hamaika arrazoi daude abenduaren 1ean Donostira hurbiltzeko.