Durango irratiak EHEko kide den Koldo Zarateri elkarrizketa egin dio Euskal Herrian Euskaraz (EHE) eragile euskaltzaleak abian jarritako "Udalak eta biok, euskaraz" dinamika aitzaki hartuta. Koldok azaldu duenez, herritarrak aktibatuz aldaketa lorgarriak eragiteko helburua du dinamikak. Udal eta norbanakoaren arteko harremana euskaraz izan dadin oinarri hartuta, tokian toki aldarrikapenak forma ezberdinak hartuko ditu. Durangoko egoera soziolinguistikora joz, oraindik aldaketa asko daudela egiteko adierazi du. Horren bidean, herrikideak aktibatzeko asmoarekin herriko eragile eta koadrila ezberdinekin egon dira jada. Taberna ezberdinetan zein hiruzpalau aldiz kalean eskaera orriak betetzeko aukera eman badute ere, ostegun honetan ahalik eta eskera masiboena egitea da xedea. 17:30etarako egin dute deialdia, herritarren harreta zerbituzan eta durangarrei bertan parte hartzeko deia luzatu diete. Hor ez da amaituko dinamika ordea, udalak emandako erantzunaren arabera lanean jarraituko baitute.

EHEko kide den Azaitz Gartzia Info7 irratian izan da hezkuntza ereduaren bueltan hizketan. Eskolak jendarte egituran duen garrantziaz jabeturik, egungo eskolak ez duela euskalduntzen gogorarazi du. Eredu erdaldunak jo ditu belaunaldi berriak ez euskalduntzearen errudun. Horren aurrean bidegurutzea dugu parez pare: Madril eta Paristik inposatutakoa kudeatzen jarraitu edo benetan euskaldunduko duen eskola euskaldunaren aldeko apustua egin. Azaitz eta EHEren hautua argia da: "Guk eskola euskalduna!".

Antxeta irratiak EHEko kideari elkarrizketa egin berri dio. EHE eragile euskaltzalea hizpide izan ondotik, egungo gaiei heldu diete. Besteak beste, "Lurraldea eta hizkuntza" jardunaldiak, aurten EHEk abian jarri duen "Udalak eta biok, euskaraz" dinamika eta apirilaren 5ean ospatuko den Euskaraz Bizi eguna izan dituzte mintzagai. 

Irailaren 21ean egindako Nazio Batzarrean EHEk adostutako plangintza orokorra izan dute batik bat hizpide: gatazkaren konponbidearen harira EHEren ikuspegia, "Euskaraz Bizi" dinamikaren baitan finkatutako lan ildoak, hizkuntza ikuspegitik egiten dizkiguten erasoak... Hizkuntza eta burujabetzaren arteko harremanaz zein EHEz hitzegiteko ere izan da betarik.

Larunbatean ospatuko dute Agoitzen, Euskal Herrian Euskaraz taldeak antolatuta eta “Ez zaitez espaloitik jaitsi. Euskaraz bizi” lelopean. Euskaraz bizitzeko, euskara eztabaida politikora eraman nahi dute, Nestor Estebanek azaldu duenez

EHEko Azaitz Gartziak  abertzaletasunak ez duela beti euskara seriostasunez hartu azpimarratu du Info7 irratian.

Euskal Herrian hezkuntzaren alorrean jasaten ari ditugun erasoez mintzatu da EHEko kide Azaitz Gartzia Info Zazpi irratian.