Azaitz Gartzia EHEko kideak bere hausnarketa zabaldu du Info Zazpi irratian. Estatu frantseseko hauteskundeak, eta Hollandek euskararekiko izanen duen jarrera izan du hizpide.

Bihar ospatuko den Hau Pittu Hau egunean eginen dute kantuaren aurkezpen ofiziala, baina jadanik sarean aditu daiteke. Luz de Putas taldeak egin du, Xabi Paya bertsolariaren hitzekin, eta Fermin Muguruzak ere parte hartu du. 25. urteurrena kantuan ospatzeko kantu bikaina. Zorionak Hau Pittu Hau!

Soziolinguistika Klusterrak Aldahitz ikerketa egin du, euskaldun berriek lan munduan hizkuntza-ohiturak aldatzeko gakoak azaldu asmoz. Bizkaia irratian izan da Pablo Suberbiola emaitzen berri ematen.

Euskarak behar dituen politika eraginkorrez mintzatu da EHEko kide Azaitz Gartzia Info Zazpi irratian. Apirilaren 21ean Gasteizen ospatuko den Euskaraz Bizitzera Goaz eguna ere izan du hizpide.

Larunbatean Euskaraz Bizi Eguna ospatuko da. Hori dela eta, Bilbo Hiria irratiak elkarrizketa egin dio Unai Larreategi EHEko kideari. Ibaizabal magazinean solastu dira gaiaren inguruan.

Euskaraz Bizi Eguna ospatuko da larunbatean Donostian, eta bere baitan 'euskalduna naiz eta harro nago' Nazio Manifestazioa. Horregatik, Igone Lamarain EHEko kideari elkarrizketa egin dio Info Zazpi irratiak.

'Eta zu, nola bizi zara?' mezuarekin kanpaina birala hasi zuen EHEk. Atzo argitu zen Euskaraz Bizi Egunera dei egiteko zirela zabaldutako bideoak. Patxi Gaztelumendi kanpainari buruz mintzatu da Info7 irratian.

Martxoaren 17an Donostian ospatuko den Euskaraz Bizi Eguneko kanta da hau. Zarauzko EHEk egin du hainbat herritarren laguntzarekin, eta Fermin Muguruzaren Esan ozenki kantuaren moldaketa da.

Seb Irazoki EHEko kideak egunero euskaraz bizitzeko nahiaren inguruko gogoeta luzatu du Info Zazpi irratian.

Ezker Abertzaleak omenaldi hunkigarria egin zion Donostiako Victoria Eugenia antzokian Jose Luis Alvarez Enparantzari.
Politikari, hizkuntzalari, idazle eta euskal kulturaren erreferente izan zen Txillardegi, joan den urtarrilaren 14ean zendu zen 84 urte zituela.