2003. urteko otsailaren 20an itxi zuten Euskaldunon Egunkaria. 

Ser eta Cope irratiek lortu dituzte Iruñean banatutako bi lizentziak. Euskaraz osoki emititzen duen Euskalerria irratia kanpoan geratu da, bigarrenetik lau puntura. Erabaki honekin, Europar Batzordeak emandako aholkuei entzungor egin dio Nafarroako Gobernuak.

Euskal hedabide berri bat sortu da Araban: Aiaraldea Irratia. Hamabost saio eskainiko dituen irratia FMko 96.5ean aditu ahal izanen da, baita Internet bidez ere.

Behin behineko erabakia da oraingoz, baina egoera ekonomikoa ez da bideragarria Bierrik fundazioaren esanetan. Nafarroako Gobernuak diru laguntzarik gabe utzi zituen euskarazko hedabide guziak.

Hamaika Telebistak Donostiako Zuatzu parkeko pi@ eraikinean kokatu duen egoitza berria aurkeztu du. Euskalgintza, komunikabideak eta politika munduko aurpegi ezagunek babestu duten ekitaldian euskarazko telebistaren iragana eta geroa izan dira protagonistak.

Egitasmoarekin aurrera egiteko harpidedunak behar ditu Irutxuloko Hitzak, horregatik, bazkideak lortzeko kanpainari ekin dio. Egunero 0,35 euroren truke jasotzen dute harpidedunek.

Araba, Bizkai eta Gipuzkoako irrati lizentziak banatzeko lehiaketa eginen du Eusko Jaurlaritzak heldu diren egunetan. Gaur da izena emateko azken eguna, eta bezperan agerraldia egin dute Arrosa Irrati Sareko kide batzuek. Euskara zokoratzea salatu dute, eta Euskal Herritik sortutako hedabideen euskal lege bat sortzea beharrezkotzat jo dute.

Sakanako (Nafarroa) Guaixe aldizkaria eta Beleixe irratia egoera ekonomiko zailean dira. Horregatik, inguruetako herritarrei laguntza eskatu diete. '2.000 esker" kanpaina martxan jarri dute, 1.337 bazkide berri erdiesteko.

Aurki irrati lizentziak banatuko dira Hego Euskal Herrian. Lehiaketa publiko bidez eginen da banaketa, eta euskara ez da lehentasunezko hizkuntza izanen.

Krisi ekonomikoaren aitzakiarekin, Eusko Jaurlaritzak eta Nafarroako Gobernuak euskarazko hedabideei zuzendutako diru-laguntzak murriztu dituzte. Horregatik, batzuek itxi behar izan dute (Nabarra, Dantzan.com, Euskonews Gaztea) eta beste batzuk kinka larrian dira.