Suprefeta eta prefeta Seaskari laguntzen dioten herriko etxeen aurka egiten ari dira, 1850ko Falloux lege zaharra eskuan. Frantziak Seaska ito nahi duela salatzeko, elkarretaratzea egin zuten otsailaren 1ean suprefetaren aurrean. 400 lagun inguru elkartu ziren, lege babes bat galdeginez Parisko agintariei. Elkarretaratzeari are zentzu gehiago eman zion ekimena gauzatu aurretik Paueko auzitegiak Hendaiako ikastolaren irtenbidea itxi zuela jakiteak. Suprefeta hamaikagarren aldiz gailendu zenaren seinale, Seaskari laguntza emandako herriko etxea auzitara eraman ondotik.Elkarretaratzea Poliziak gertutik zaindu zuen une oro eta ez zen aparteko istilurik izan. Manifestari batzuek arrautza batzuk jaurti zituzten.

Agintariak haserretzeko nahikoa motibo nonbait. Ikastolen kontra bakarrik ez, berauen defentsan dihardutenen kontra ere egiteari ekin baitio poliziak. Elkarretaratzean parte hartu zuen kide bat ostiralerako deitu dute; Indo, astelehenerako. Jazarpenak aurrera egin ez dezan Seaskak elkarretaratzeak antolatu ditu polizia etxearen aurrean.