Oiartzungo EHEk prentsaurrekoa eman du Elizalde Herri Eskolako eta Haurtzaro Ikastolako irakasleekin batera. Ekimen honek Euskal Herri osorako hezkuntza eredu bakarra eta euskalduna aldarrikatzea du helburu, hezkuntzaren arloan ere herri euskalduna jasaten ari den erasoaldi bortitzaren testuinguruan. Zentzu horretan, jaurlaritzak euskal nortasunaren aurkako politika suntsitzaileak eskolatik abiatu nahi dituela salatu dute

PSE-EE Eusko Jaurlaritzara iristearekin batera, euskaldun askok eta askok gure hizkuntza eskubideen urraketaren aro berri bat zabaltzen zela aurreikusi genuen. Jaurlaritzako hainbat sailburu berrik, eserlekua hartu eta lehen egunetik iragarri zituzten euskararen kontrako neurriak, eta Isabel Celaa izan da esandakoak praktikara eramaten lehena. Ondorioa: Euskara hezkuntzako hizkuntza nagusia izango zela aitortzen zuen dekretua eta Euskal Herriaren nortasuna bertan behera gelditzea.

Nahiz eta, Patxi Lopez eta Migel Sanzek uztailaren 3an eginiko bilkuraren ondoren ez zuten honen inguruan mintzatu nahi izan, politikari nafarrak El Pais egunkariari eskainitako elkarrizketan Jaurlaritzak ez diela Nafarroako ikastolei diru gehiagorik emango baieztatu du. Lopezek, orduko hartan, gai horren inguruan ez zirela mintzatu ziurtatu zuen.

{mosimage}

Eusko Jaurlaritzako Hezkuntza Sailak euskara Haur Hezkuntzako hizkuntza nagusia ez izatea erabaki du. Araba, Gipuzkoa eta Bizkaiko Auzitegi Nagusiak maiataz bukaeran utzi zituen bertan behera Tontxu Campos Hezkuntza sailburu oihak indarrean jarri zituen neurriak, Hizkuntza Aukeratzeko Askatasuna plataformaren helegiteari hauspoa emanez. Horretarako baina, Eusko Jaurlaritzari iritzia eskatu zion eta honek neurriak baliogabetzeko oniritzia eman zion auzitegiari. Baliogabetzearen ondotik, Jaurlaritzak neurria praktikara eraman du

{mosimage}

Gurasoek datorren ikasturtean haurrak Txantrean bertan dagoen beste ikastetxe batera bidaltzeko aukera proposatu zuten Hezkuntza Departamenduan. Honek, aldiz, Buztintxurira joaten jarraitu beharko dutela erantzun diete, gastuak handiak izango zirelako eta beste hainbat oztopoengatik. Pasa zen ekainaren 1ean itxi zuten Axular ikastetxeko eraikina, eta haurrak Buztintxurira bidaliak, eraikinak zekartzan segurtasun arazoak zirela eta.

{mosimage}

Baztango Ikastolan TIL eredua ezarri nahi dutela salatu zuen atzokoan ezker abertzaleak. Ezarpen hau froga piloto modura egingo dutela baieztatu zuen nafar gobernuko exekutibak, baina Xanti Kiroga ezker abertzaleko kidearen esanetanerabaki horren atzean ez dago azken urteetan etengabe igotzen joan den D ereduaren aurka egitea baino. Gobernutik nahi adina eraso bideratuko direla gaineratu zuten, baina euskarazko matrikulazioa gora doala eta joango dela urtez urte.

{mosimage}

Tuterako Elvira España ikastetxea izan zen lehenengotarikoa TIL eredua ezartzen

30 urtez herritarrei euskara irakasten jardun ondoren Xalbador euskaltegia ixteko agindua eman du Antsoaingo udalak. Bestalde, Txantreako Axular ikastola kurtsoa bukatu aurretik ixteko agindua eman zuen Nafarroako Gobernuak. Ondoren, heldu den ikasturterako ikasleak Buztintxurira bidaltzea ebatzi zuen Gobernduan eta oraingoan aldiz, Arturo Campion eta Axular ikastolak batzea agindu du, D eredua Txantreako auzotik desagerraraziz.

{mosimage}