Jada 6 hilabete baino gehiago pasa dira David Chivite Pérezek

Nafarroako Gazte Kontseiluko lehendakari berriaren kargua hartu zuela, eta

gauzak Kontseilutik asko aldatu direla esan dezakegu. Gaur, soilik

euskararen gaian bakarrik zehaztu nahiko genuke.

Urte asko pasa dira Nafarroako Gazte Kontseiluak bere komunikazio

guztia barrukoa zein kanpokoa, elebiduna izatea erabaki zuela, hau da,

gazteleraz eta euskaraz, modu honetan Nafarroako gazte guztien hizkuntza

eskubideak errespetatzeko. Bada orain, hori bera lehendakari berriarekin

aldatu egin da. Barne komunikazioa gaztelera hutsean izatera behartzen

gaituzte eta horrez gain, Administrazio Publikora bidalitako guztia ere

gaztelera hutsean egotea inposatzen digute. Zergatik orain aldaketa hau

hizkuntza politikan?

Denok dakigu urte hauetan zehar Nafarroako Gobernuak Kontseilua

ekonomikoki ito duela. Aurten, eta bat-batean, Nafarroako Gobernuak

Kontseiluari emandako diru laguntza 45.000 euro igo du. Zergatik?

Adostutako baldintzetako bat Nafarroako bi hizkuntza ofizialetatik bat

marjinatzearena izango zen? Edo beharbada Nafarroako Gazte Kontseiluko

Lehendakariak beldurra du Nafarroako Gobernua ez ote den haserretuko

eta jasotako diru laguntza gehigarria kenduko ote duten? Hau al da saldu

ziguten lehendakari plurala?

Angela Campo, Sonia Méndez, Leire López eta Mikel Makaia - Nafarroako Gazte Kontseiluaren langileak

{mosimage}