"Euskal Herria euskalduna baldin badugu helburu, norbanakoetan baino taldeetan pentsatu eta han eragiteko politika diseinatu eta egin beharko genuke"

"8.000 lanpostutik 5.816 izan dira euskaraz aritzeko gaitasunik egiaztatu ez dutenak", hots, ertzainen %72,7. Datu hau eta beste hainbat lerrootara ekarriz, egileak zorrotz kritikatzen du Ertzaintzan garatzen den euskalduntze politika. Logikarik gabea deritzo langile erdaldunak kontratatu eta gero horiek euskalduntzen dirua xahutzeari, hasieratik beharrezkoak diren neurriak hartzea eraginkorragoa delako.

"Etnozidioaren politikak ez du bakarrik konkistatzen, kolonizatzen, zapaltzen eta jazartzen. Hori egiteaz gainera, jatorrian zegoen arazoaren gatazka-iturri harekiko erreakzio-gaitasuna desagerrarazi egiten ditu"

"Gurea bezalako hizkuntzen sustapena ahalbidetzen duen Itun bat berresteko frantsesaren derrigorrezko erabilera ezartzea iruzur egitea da. Eta Euskaldunok aski ongi dakigu zer den Euroitunarekin iruzur egitea; Espainiako Estatuak dokumentu hori berretsi zuenean, konpromiso nagusienetatik kanpo utzi baitzuen Nafarroaren zatirik handiena."

"Hizkuntzan oinarritutako elkarbizitza kezkak dituenak lan egin beharko luke herritar orok bi hizkuntzak ezagutzeko bidea egin dezan. Hezkuntza eredu guztien bidez euskara ikasiko balitz, ez legoke arazorik ikastetxe berean bizi daitezen, baina bitartean euskarari lekua kentzeko beste bide bat da."

"Akats historikoak errepikatzen ari gara. Euskal nortasuna lotzen duten kateak askatzeke, lur eremu geografiko bat askatzea da lehentasuna, hizkuntza gatazkaren ondorio latzak konponbide prozesu orotatik kanpo, edo, gutxienez, gerorako utziz. Ondorioa garbia da: euskara ez dago agenda politikoan."

"(...)  euskaraz aritzeko oztopoek sortzen duten ezintasunaz gain, tratu zakarra eta errespetu gabekoa eta euskaldunon duintasunaren eta nortasunaren kontrako jarrera adeigabeak ere jasan behar izan dituzte"

AITZIBER MARTINEZ DE LAGOS. Sortzen-Ikasbatuazeko koordinatzaile orokorra

Erantzun bateratuak ematetik harago, hausnartu eta batez ere alternatibak elkarrekin eraikitzeko apustua egitea dugu erronka. Prest ahal gaude herri bezala pentsatzeko?

JOSEBA ALVAREZ. Ezker Abertzaleko kidea

"Euskararen normalizazioari zein sortu nahi dugun Euskal Herri euskaldunari begira, lehentasunezko betekizuna da gure herriko eragile politikoak, sozialak, sindikalak edota ekonomikoak, euskararen aldeko mugimendu izatetik, mugimendu euskaldunak izatera pasatzea"

MAIDER AZKARRAGA-URIZAR. Arrasateko EHEko kidea

"Azken hamarkadetan euskararen alde egindako ahalegin guztiak zapuzten ditu ministroaren ideia zentzugabe honek; eurei interesatzen zaiena aplikatuz, horretarako gure aurrekoek euskara eskolara eramateko egindako lana hutsera botaz"