JOXE MANUEL ODRIOZOLA. Euskara irakaslea

"Nire ustez praxi soziolinguistiko euskaltzale eta abertzaleak ezaugarritzen eta bermatzen du gurean nazioa euskal nazio izatea. Gainerako berdintasun-borroka guztiak ondo etorriak izango dira, jakina, baina ez dute zertan bermatu euskal nazioaren berariazko izaerarik gurea bezalako nazio minorizatuaren baldintzetan"

SEBAS IRAZOKI. EHEko kidea

"Azken aldian sarritan entzuten ari gira Lapurdi, Baxe Nafarroa eta Xiberoan euskararendako lege gerizaren beharra azpimarratzen duten erranak. Hala ere, berdinaz ari ote gira guztiok hitz horiek erabiltzean?"

ION OLANO CARLOS. Idazle eta kazetaria

"Euskaldunok bizi dugulako bizi da euskara. Bizia ematen diogulako darabilgun bakoitzean"

AITZIBER SARASOLA. Bilduko parlamentaria Nafarroa Garaian

"Bistan da Nafarroako Gobernuaren asmo argia zein den. Lehen desatsegina zitzaion Nafarroa ezberdinaren onarpena orain aizkoraz ebaki nahi du inolako azalpenik ere eman gabe. Lotsagarriki ukatzen dira nafarren hizkuntza eskubideak".

ANAITZ IGOA ETA ITSASO GANBOA. Etxarriko EHEren izenean

"Egoera iraultzeko bertatik bertara adostu eta sortutako hizkuntza-politika burujabea behar dugula aldarrikatu behar dugu. Euskaraz Bizi den herria eraikitzeko, euskara lehentasunezkoa izatea ezinbestekoa da"

ARITZ LARRETA BEREZIARTUA. Zarauzko EHEren izenean

Joan den urriaren 21ean egin zuen Zarauzko Bilduk agintaldiko lehen 100 egunen balorazioa. Lehenik eta behin, ekitaldiaren lehen zatian, Udalaren momentuko egoeraren berri eman ziguten Bilduko udal ordezkariek. Ondoren, ekitaldiaren bigarren zatian, 2012ko aurrekontuetarako dituzten asmoez aritu ziren.Beste herritar asko bezala, Zarauzko Euskal Herrian Euskarazeko (EHE) kideok ere han izan ginen, 2012ari begira Udalak euskararen normalizazioa dela-eta egin asmo dituenak ezagutzeko.

AINHOA LARRABE. EHBEko kidea

Udako oporretako haize freskoak alde batera utzita, ikasturte berria martxan da dagoeneko. Eta ikasturte berri honi adjetibo bat jarri behar badiogu, “korapilatsua” jarriko genioke. Izan ere, hezkuntzan, erronka ugari ditugu aurtengoan aurrez aurre.

JOXE MANUEL ODRIOZOLA. Euskara Iraksalea

Flandriak bere buruaren jabe izan nahi du. Zergatik ote? Batez ere bere nazio-hizkuntza daukalako eta hizkuntza horrek mugatzen duen nazio-kultura bat daukalako eta nazio-kultura horrek nazio politikoa edo estatu burujabea eskatzen duelako gaurko munduan. Nazio burujabez egituratutako munduan, hain zuzen.

UNAI LARREATEGI ETA IGONE LAMARAIN. EHEko kideak

Euskaltzaleen diskurtsoetan geroz eta gehiago ari da azaltzen euskara nagusi edota hegemoniko izango duten guneak zaindu eta berriak sortu beharra. Ez da kontu berria baina azken garaiotan garrantzi gehiegirik eman ez zaionez bada nobedadea. Euskal Herrian Euskaraz-en ere antzerako ondorioak atera genituen iazko kurtsoan. Euskal herritarren hizkuntza eskubideak aldarrikatzen jarraitu behar genuela dudarik gabe, baina euskaraz bizi diren guneak zaintzeari eta berriak sortzeari garrantzi berezia eman behar geniola aurrerantzean.

JEXUX ARRIZABALAGA. Batzeneko kidea

Berandu baino lehen, Donostiako Zinemaldia eta zinema, oro har, euskalduna izango da. Horren zalantzarik ez izan. Bitartean, hemen gabiltza zerbait txukuna egin nahi eta asmatu ezinik. Edo aurrera egin ezinik.  Zinemaldia garai polita da zinema gustatzen zaionarentzako eta filmak ikusteko aukera duenarentzako. Zinefiloak gozatu egiten du egun horietan. Batek baino gehiagok berariaz egun horietan jai hartzen du. Askok bonoak erosten ditu horrela merkeago delako; dena den, urtean zehar ohiko sarrera baino garestiagoa ez da. Ondo dago Zinemaldia. Gauza polit asko konta genitzake Zinemaldiaren karietara. Baina, nola sentitzen da euskaraz bizi nahi duen herritarra? Bermatua al du honek bere eskubidea?