• 07
    ABE
    EHE Durangoko Azokan
    EHE. BLOGA; Orokorra

     

    Euskal Herrian Euskaraz Durangon da urtero bezala. Hainbat produktu jarri ditu salgai azokaren barruko zein kanpoko saltokietan. 2010eko Euskaltzaleon Agenda da momentuz EHEren produktu arrakastatsuena, eta atzetik jarraitzen dio eragile euskaltzaleak atera berri duen "Izan, egin, eragin. Euskal Herrian Euskaraz" dokumentalak, beste hainbat produkturen artean. EHEren logodun kotxerako pegatinak edota "Adi! Haurrak" diotenak ere barra-barra ari dira saltzen. Oraindik pasatu ez bazara, mugitu zaitez eta hurbildu euskal kulturaren plazan EHEk duen saltokira!

     

  • 03
    ABE
    Lekeitioko EHEren bideoa
    EHE. BLOGA; Bideoak

    "Herri euskalduna". Lekeitioko EHEren bideoa from Euskal Herrian Euskaraz on Vimeo

  • 02
    ABE
    Izan, egin, eragin. Euskal Herrian Euskaraz
    EHE. BLOGA; Orokorra

     

    "Izan, egin, eragin. Euskal Herrian Euskaraz" dokumentalaren aurkezpen ekitaldia egin zuen EHEk atzo Donostiako Doka Kafe Antzokian. Horrekin batera, eragile euskaltzalearen 30. urtemugari bukaera eman eta heldu den otsailerako burujabetzaren alde prestatzen ari diren nazio manifestazioa iragarri zuen Igone Lamarain, EHEko kideak.

     

  • 25
    AZA
    Ezabaketa Astea aurrera doa!
    EHE. BLOGA; Orokorra

     

    "Hizkuntza zalapkuntzaren aurrean, ESKOLA EUSKALDUNA!" lelopean ekin zion EHEk iragan larunbatean Ezabaketa Asteari, eta asko eta askotarikoak dira egunotan Euskal Herri osoan zehar egiten ari diren ezabaketa eta ekimenak, irakaskuntzari zein beste arloei begira. Ezabaketa-kalejirak, ezabaketa-olinpiadak, bertso-poteo-ezabatzaileak, bertso-afariak... Denetarik asmatu dute han eta hemengo EHEko kideek eta hemen dituzu ekimen horien irudi batzuk. Argazki hau Bilbon Eusko Jaurlaritzak duen egoitzan egindako ekimen batetik hartuta dago. Ez ahaztu Ezabaketa Astea azaroaren 27an bukatzen dela eta oraindik herriz herri zein auzoz auzo egingo diren ekimenetan edo zeure kabuz parte hartu dezakezula!

     

  • 25
    AZA
    Euskararen unibertsoak pausu bat harago jardunaldiak gaur bukatuko dira
    EHE. BLOGA; Orokorra

     

    Kontseiluak antolatutako Euskararen unibertsoak pauso bat harago jardunaldien lehen eguna igaro da, Iruñeko Planetariumean. Bertan, euskalgintzan lanean ari hamarnaka lagunek parte hartu du. Lehen egunean, diagnostikoa osatzeari ekin zoten. Gaurko saioan berriz aurrera begira jarri dira parte hartzaileak.

     

     

  • 17
    AZA
    EHEk Ezabaketa Astean parte hartzera deitu ditu herritarrak
    EHE. BLOGA; Orokorra

     

     

    Maitzaren 15eko manifestazioaren espirituari eta ereduari jarraiki, Iruñeko euskalgintzan lanean diharduten erakundeek bat egin dute euskaraz bizitzeko eskubidea aldarrikatu eta Udalari hizkuntza-paisaian euskararen presentzia berma dezan exijitzeko. AEK, IKA, Euskal Herrian Euskaraz, Sortzen Ikasbatuaz eta Administrazioan Euskaraz taldeek elkarlan honen berri eman dute gaur, eta baita burutuko duten lehenbiziko ekimena aurkeztu ere. Hala, sinadura bilketa bat abiaraziko dute datozen egunetan, Iruñeko Udalak «neurri zehatzak hartu eta eskubideen urraketa konponbidean jar dezan», azaldu dute. Sinadura eman nahi duen orok, AEK eta IKAko euskaltegietan izanen du aukera (Nabarreria.com web gunetik hartuta).

     

  • 21
    URR
    Patxi Lopezen Jaurlaritzak herri euskalduna jazartzen jarraitzen du
    EHE. BLOGA; Orokorra

     

    Araba, Bizkaia eta Gipuzkoako lehendakari Patxi Lopezen Gobernuak begirune gutxi erakutsi die euskaldunon hizkuntza eskubideei boterera heldu zenetik. Ordutik, asko eta askotarikoak izan dira herri euskaldunaren aurka hartutako neurriak, eta azken asteko berriak ikusirik, badirudi ez duela bere jardunean aldaketarik egitea ikusten. Asteon jakin dugu, Blanca Urgell Kultura sailburuak adierazi duenez, Lapurdi, Nafarroa Behere eta Zuberoako ikastolentzat ez duela dirurik, Kontsumitzaileen dekretuan aurreikusitako isunak ez direla aurrera eramango berretsita geratu dela, eta HABE, Helduen Alfabetatze eta Berreuskalduntzerako Erakundeko zuzendari gisa Joseba Iñaki Uribe Billabonako zinegotzi sozialista ezarri duela, HABEko patronatuaren iritzia kontuan izan gabe eta erakunde estatutuei bizkar emanez.

     

  • 07
    URR
    Inposaketen aurrean, hezkuntza sistema euskaldun eta herritarra eraiki
    EHE. BLOGA; Iritzia

    AINHOA LARRABE. EHBEko kidea

    Udako oporretako haize freskoak alde batera utzita, ikasturte berria martxan da dagoeneko. Eta ikasturte berri honi adjetibo bat jarri behar badiogu, “korapilatsua” jarriko genioke. Izan ere, hezkuntzan, erronka ugari ditugu aurtengoan aurrez aurre.

  • 07
    URR
    Justiziaren aurrean euskaldunok berriz arrotz
    EHE. BLOGA; Justizia

    {mosimage}Gabi Basañez euskaltzalea epaitua izan da gaur Bilboko Auzitegi probintzialean, hori salatu asmoz eta EHE-ren deiari jarraiki, "Euskaldunontzat ez dago justiziarik" pankartaren atzean 20 bat lagun elkartu direlarik bertan, Gabiri elkartasuna adierazi eta euskarak justizia administrazioan daukan egoera salatzeko.

    Urte luzeetako borrokaren ostean, argi ikusi da justizia administrazioak ze jarrera daukan euskararekiko. Hamaika bide jorratu dira, baina epaiketa euskaraz burutzeko egindako saiakera eta proposamen guztiek ezezko erantzuna jaso dute Espainiako Justizi Administraziotik urte hauetan zehar.

    {mosimage}

    Honela jaso da epaiketan gertatutakoa Berrian.


     

     

     

     

     

     

     

    • « Aurrekoak 1 2 3 ... 88 89 90 91 92 ... 101 102 103 Hurrengoak »

AGENDA

2024, azaroa
As. As. As. Ost. Ost. Lar. Ig.
    1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
 
       
Egin zaitez bazkide!
EH euskaldunari ateak ireki

Euskaraz bizi sarean

  • Euskal Herrian Euskaraz: ehe@ehe.eus// Martin Ugalde Kultur Parkea, 20140, Andoain, Gipuzkoa / Nor gara /RSS