Hauek dira legearen aurkako jotzen diren puntuak, eta, beraz, bertan behera geratuko direnak:

• Mankomunitateak igorriko dituen dokumentu, agiri eta komunikazioek ezinen dute elebidunak izan, “Eremu Mixtoko” edo “Euskalduneko” Administrazioei zuzentzen zaienean ez ezik, baina inolaz ere ez “Eremu Ez Euskaldunekoei” zuzentzean (Mankomunitatearen menpeko herri bakarra dago “Eremu Euskaldunean”: Gares).

• Mankomunitateak ezinen die komunikazio elebiduna eskatu Administrazio guziei.

• Ezinen dira elebidunak izan, eta beraz, gaztelaniaz idatziko dira:

1. Bandoak, legezko abisuak, kartelak eta plaka informatiboak.

2. Zigiluak, tanpoiak, logotipoak, idazpuruak eta antzeko elementuak.

3. Udaleko langileen, ibilgailuen, bulegoen eta egoitzen errotulazioa.

4. Administrazio prozesuei buruz informatzeko Mankomunitateak herritarren eskuetan utzi ohi dituen dokumentu eta ereduak.

5. Mankomunitatearen irudi instituzionala edo kanpo irudia islatzeko erabili daitekeen edozein bide edo formatu.

• Mankomunitatearen izena “MANCOMUNIDAD DE VALDIZARBE izanen da berriz ere, eta ez “Mancomunidad de Valdizarbe-Izarbeibarko Mankomunitatea”.