Euskaraz bizitzea ezinezkoa da Gasteizen, horregatik, Euskaraz Bizitzera Goaz eguna antolatu du bertako euskalgintzak. Euskarak politika egoki eta eraginkorrak behar dituela agerian utzi nahi dute antolatzaileek. "Hizkuntza politikek urte gehiegitan eragotzi dute euskaraz bizitzeko aukera, eta, horren aurrean, ausardiaz jokatu behar dugu", azaldu du EHEko kide Azaitz Gartziak.

Javier Maroto Gasteizko alkatearen jarrera ere salatu du bertako euskalgintzak. Euskarari bideraturiko diru laguntzak ez zituela murriztuko esan arren, hitza ez duela bete eritzi diote. "Euskarak zerbait behar badu, inbertsioak behar ditu, eta euskara lehenetsi eta orain arteko egoera iraultzea ekarriko duten politikak", azaldu du Gartziak.

Goizean hasiko dira ekimenak, 11:00etatik aurrera musika, dantza eta giro ona izanen dira Gasteizko kaleetan. Hirigunean ospatuko da Euskaraz Bizitzera Goaz eguna, eta gauean Gaztetxean jarraituko du jaiak. Egitarau oparoa prestatu dute, adin ezberdinei zuzendua. Jon Daltonek eguna iragartzeko kantua prestatu du; Ne-Yoren kantuaren bertsioa egin du.