Euriak ez zuen utzi lana behar bezala egiten. Bera bihurtu zen protagonista Euskal Eskola Publiko Berria aldarrikatzeko egunean. Dena den, ekitaldi askok aurrera egin zuten karpen aterpean, eta milaka lagun bildu ziren antolatzaileen arabera. "Euskal Herriko herrialde ezberdinetatik hurbildu zaigu jendea, eta giro paregabea jartzea lortu dugu denon artean. Egunak aurrera egin du eta berarekin jai giroak ere. Denon artean lortu dugu", azaldu dute lehenbiziko balorazioan.

Eskerrak eman dizkiete agertu ziren guziei, baita lanean ibili direnei ere. Eguraldiak, baina, kalte egin zion bestari. Beraz, ekarpen ekonomikoak jasotzeko kontu korrontea ireki dute, kalteak arintzeko asmoz: Euskadiko Kutxa: 3035.0058.30.0581172598. "Hona etortzeko asmoa zuen guzti horiei, eta euriaren erruz etxean geratu direnei, aukera eman nahi diegu euren ekarpentxoa egiteko", esan dute. Euskaltzaleen laguntzarekin jaiak sortutako gastuak ordaintzea dute helburu. 

Sortzen-Ikasbatuazen mezua osorik irakurri