Euskaraz Bizi egunean aurkeztutako bakarrizketa saioa eraman zuen atzo EHEk Iruñera. 'Euskalduna naiz eta arraro nago' izenburupean, irri eta algaraka ibili ziren Txantrea auzoko Akelarre Kultur Elkartean bildutako 40 lagunak. Beñat Gaztelumendi bertsolariaren laguntzaz idatzitako gidoiaren gainean aritzen dira bi umoregileak, eta euskaraz bizitzeko esperientzia azaltzen dute umore ukitu berezi batekin.

Udaberri eta udan saio gehiago izanen dira Euskal Herriko hainbat herritan. Hurrengo emanaldia bihar bertan izanen da, Etxarri-Aranazen (Nafarroa). Ekainaren 31an berriz, Agoitzen (Nafarroa) izanen da saioa, eta ekainaren 6an Iruñera itzuliko da, baina oraingoan Errotxapea auzoko Errotaberri elkartean eginen dute.