Elkartasuna. Horixe da Itziar Claver eta Haizea Ramirez de Aldak jaso dutena; bizilagunen berotsauna alegia. Altsasun (Nafarroa) bildu dira, Foruen enparantzan, eta irailaren 11an Claver eta Ramirez de Aldak izanen duten epaiketa gaitzetsi dute. Gainera, elkarretaratzea eginen dute epaiketaren egunean bertan Udaletxe parean 19:30ean.

Claver eta Ramirez de Aldak epaiketa izanen dute 'Ezabatu eta euskaraz bizi' ekimenean parte hartzeagatik. Foruzainekin egin zuten topo, eta 6.000 euroko isuna paratu zieten. Horrekin aski ez, eta epaiketa ere izanen dute. Falta leporatzen diete ustez erdaraz ziren seinaleak ezabatzeagatik. Euskaraz mintzatzeagatik ere isuna jaso zuten, 300 eurokoa, baina hori bertan behera geratu da. Iruñeko Auzitegian elkarretaratzea eginen du EHEk epaiketaren egunean 10:00etan.