Seinale batzuk ezabatzea leporatuta jasan beharreko 6.000 euroko zigorra eta bi eguneko etxeko atxiloaldiaren aurrean, “epaiari buelta ematea” ipar, “Euskal Herri euskalduna eraikitzen jarraitzeko” aste osoko egitarau zabala prestatu dute Altsasuko EHEko kideek. Tartean da “Euskaraz bizitzeari zigorrik ez! Ezabatu eta euskaraz bizi” lelopean larunbatean egingo den manifestazioa. “Euskaltzale konprometitu eta aktibo gisara” lanean jarraituko dutela berretsi dute.

Joan den larunbatean ospatu zen bosgarrengo aldiz EUSKARAZ BIZI-KLETA martxa Iruñerrian. Hamaiketakoa dastatu ondoren, txango bikaina burutu zuten, Arrosadiatik irten eta Nabarreriako plazan amaitu. Ekimenean zehar, zenbait pankarta eskegi, ezabaketak egin eta euskaraz bizitzea galdeginaz oihuak botatzeaz gain, Altsasuko itxialdia iragarriz esku orri eta kartelak banatu zituzten.

"Ezabatu eta euskaraz bizi!" dinamikaren baitan, V. EUSKARAZ BIZIKLETA martxa ospatuko da Iruñerrin larunbat honetan. "Hizkuntza paisaian euskarak daukan presentzia eskasa" salatzeaz gain, "seinaleak ezabatzea leporatuta" Altsasuko EHEko bi kidei jarritako zigorraren karitara azaroaren 23an egingo den manifestaziora dei egiteko baliatuko dute ekimena. Euskal Herri euskaldunaren bidean, "maila pertsonalean zein kolektiboan, "euskaraz bizitzeko hautua" egitea dagokigula adierazi dute.

Altsasuko EHEko bi kide etxeko lokalizazio iraunkorrera zein isun ekonomikoa ordaintzera zigortu dituzte "Ezabatu eta euskaraz bizi" ekimenean parte hartzearren. Prozesu judiziala "euskaraz bizi nahiagatik" jasan dutela adierazi eta "kolonialismoa garaian" bizi garela salatu dute. Baita "espaloian tinko" jarraituko dutela berretsi ere. Zigorra "Gure Etxea" eraikinean egingo dutela argitu eta herritarrei bertaratzeko gonbitea luzatu diete.

Espainiako Estatuko Abokatuak helegiteak jarri dizkie Zarautzek eta beste hamarnaka euskal udalerrik euskarari lehentasuna emateko onartu dituzten neurriei. Bertako EHEk deituta, udalen erabakiari babesa agertzeko mosaiko erraldoia egingo da datorren igandean Munoa Plazan, eta bertan parte hartzera animatu dituzte euskaltzaleak. Bestalde, igandeko ekimenarekin eraso konkretu bati erantzuna emango zaion arren, aurrerantzean herritarren eskura udalekin harremana euskaraz izateko tresnak jarriko dituela iragarri du EHEk.

Euskal Herrian Euskarazek urtero zozketatzen duen bidaiak badu sariduna: 07.058 zenbakia. Boletoaren jabeak aste beteko egonaldia irabazi du bi lagunentzako, Eskozian, bidaia barne. Aurreko urteetan Flandria, Eskozia eta Edinburgo izan dira zozketaren irabazleen helmugak. Iaz zoria lagun izan zuena Egia auzoko Zakilixut kuadrila izan zen.

Hamaika eragile sozial, sindikal eta politikok deituta, Herriraren aurkako operazioa salatzeko mobilizazio jendetsua izango da heldu den larunbatean Bilbon. Deitzaileen artean da Euskal Herrian Euskaraz.

Urtero legez, ikasturtean zehar landuko duten plangintza orokorra adostu dute EHEko taldeetako ordezkariek gaur goizean Ziburun egin duten Nazio Batzarrean. Errealitatearen irakurketa egin ostean, berau iraultzeko non eta nola eragin eztabaidatu dute. Gaur egungo testuinguru politikoan kokatu nahiz "Konponbidea" atala gehitu diote Oinarri Ideologikoen esparruari, konponbidearen inguruko irakurketa eginaz. Bestalde, "Euskaraz Bizi" dinamika urte osoko ekinbidearen oinarritzat joagatik, udal administrazio eta hezkuntzaren aferek pisu berezia izan dezaten adostu dute.

Irailaren 7an Zarautzen ospatu zen Euskaraz Bizi egun arrakastatsua probestuz, manifestu bateratua atera dute argitara Zarauzko AEK zein EHEk. Euskalduntasunaren giltzarria euskara izanik, “hemen jaiotakoa, 70 urterekin ikasten hasi dena, atzerritik etorri dena edo oraintxe Londonen jaiotzen ari dena” izan gaitezkeela euskaldun gogorarazteaz bat, euskaraz jardun eta “kosmopolit” bizitzeko deia luzatu dute. Hangoa, horkoa, hemengoa… euskaraz bizitza, kosmopolitagoa!

Diada egunez Katalunian egin den giza kate historikoan partaide izan da Euskal Herrian Euskaraz ere. Arrazoia argia: euskararen normalizazio bidean ezinbesteko diren hizkuntza politikak legez kanpokoak dira egungo markoan. Horrexegatik egiten du egungo kateak hausteko apustua, hots, bertatik bertara erabakitako eta kanpo esku hartzerik gabeko hizkuntza politika burujabeak gauzatu ahal izateko. Euskal Herri euskaldunerako bidea gaurdanik urratzeko deia luzatu du.