Herri mugimendu ezberdinetan diharduen herritar talde batek hausnarketa bateratua plazaratu du Martin Ugalde Kultur Parkean egin den agerraldian.  "Hezkuntza erreformen bidez Euskal Herria eta euskal herritarrak asimilatzeko tenorean frantses eta espainiar estatutik eratorritako erasoaldi bortitzaren aurrean garatu beharreko herri erantzunaren beharra" kokatu dute hausnarketaren oinarrian. Gaurko agerraldiarekin aipatu erantzuna artikulatzeko abiapuntua jartzea izan dute xede nagusi, eta aurrerantzean ekimenaren inguruko adostasunak biltzeko asmoarekin harreman dinamika bat martxan jartzeko konpromisoa hartu dute. Areago, herritarren eta eragileen ekarpenak jasotzeko posta helbide elektronikoa ere sortu dute: herrideialdia@gmail.com

Araba, Bizkaia eta Gipuzkoako Kutxen bategitea eman zenetik bezero euskaldunon kexa ugari hedatu dira Kutxabanken jardunak eragindako hizkuntza eskubideen urraketen inguruan. EHEk abiatu duen ekimenaren helburua, herritarren aktibazioaren bitartez, entitateari ahalik eta kexa gehien helarazi eta Kutxabankek euskara eta euskaldunokiko duen jarrera aldaraztea zein bertan ere euskaraz bizi ahal izateko beharrezkoak diren neurriak har ditzaten eragitea da.

Durangoko Euskal Herrian Euskaraz-ek deituta Euskaraz Bizi Egun txikia egingo dute ekainaren 8an. Espaloitik jaitsi ez eta euskaraz bizitzeko deia egin dute Durangoko euskalgintzan dabiltzan hainbat kiderekin batera. 

Espainiako Gobernuak Araba, Bizkaia eta Gipuzkoan duen ordezkari Carlos Urquijok markatutako bideari jarraiki, Estatuko Abokatuak helegiteak jarri dizkie euskara lehenesteko udalek hartu dituzten neurriei. EHEk elkarretaratzea egin du Arabako Gobernu Ordezkaritzaren aurrean

Errenta aitorpena euskaraz egiteko deialdiak areagotzen doaz Euskal Herrian zehar. Instituzioetatik zein herri ekimenetik bultzatuta, hainbat dira helburu zehatzak jarri eta urratsak ematen joateko iniziatibak. Sei milakoa gaindituta, euskarazko zazpi mila errenta aitorpen lortzean jarri dute aurten langa Debagoienean, eta bost milakoa Goierrin. Zarautzen, aldiz, bi mila lortzeko erronkari eutsi diote. Zarauzko EHEk bat egin du udalaren kanpainarekin. Zein da zure herrian edo eskualdean jarri duzuen erronka?

Euskaraz bizi eta ikasteko eskubidearen aldeko aldarrikapen jaia izango da igandean, Villatuertan (Nafarroa Garaia), Sortzen-Ikasbatuaz elkarteak deituta. Auzo eta herri guztietan euskaraz bizi eta ikasi ahal izatearen alde burutuko den aldarrikapen jaiak omenaldia eginen die eremu ez-euskalduneko herritarrei, "legeak ezartzen dizkien mugen gainetik, euskaraz ikasteko eta bizitzeko egindako hautuagatik". Euskalgintzako eta sindikalgintzako eragile anitzek babestu dute deialdia.

"Ez zaitez espaloitik jaitsi. Euskaraz bizi!" leloak jende ugari bildu du gaur Agoitzen. Goizetik hasita eta gauera arteko egitarau zabalarekin gozatu dute bertaratu direnek. Honat gaurkoan jazotakoaren kronikatxoa eta lehen balorazioa. Datozen egunotan izango dituzue irudi guztiak ikusgai. Bitartean, Facebook eta Twitter bidez konpartitutakoak ikusi ditzakezue.

Euskal Herriko hainbat herri eta auzotatik iritsi zaizkigun aldarrien irudi galeria ikusteko, sakatu hemen

Berrehundik gora herritar eta 23 eragile batu dira Agoitzen espaloitik ez direla jaitsiko berretsi eta heldu den larunbateko deialdia jendartera zabaltzeko.

Apirilaren 13an Agoitzen egingo den Euskaraz Bizi Egunak euskalgintzaren babesa jaso du gaur. Alta, Iruñean egindako agerraldiak utzi du bestelako albisterik. Izan ere, oraindik ezagutzera eman gabe zegoen jaia eta aldarrikapena uztartuko dituen egitasmoaren egitaraua. Auzolanetik sortutako Euskaraz Bizi Egunaren nondik norakoak agertu ostean, euskaltzaleak Agoitzera eramateko EHEk prestatu duen spot "berezi eta ezberdina" aurkeztu dute euskaltzaleek.