Itziar Claver eta Haizea Ramirez de Alda epaituak izanen dira irailaren 11an, eta bizilagunen elkartasuna jaso dute. Epaiketaren egunean elkarretaratzea eginen dute Altsasuko Udaletxe parean.

Irailaren 11an izanen da epaiketa eta EHEk elkarretaratzea eginen du Iruñeko Auzitegiaren parean. Auzipetuek euskaraz baizik ez dute deklaratuko eta ez dute itzultzailerik onartuko.

Frantsesez idatzitako seinale bat ezabatzea eta DNA froga ez onartzea leporatu diete Yoann Colas eta Corentin Lemonnier militante independentistei. Epaiketan bretoieraz bakarrik mintzatuko zirela erabaki zuten, eta epaitegia zirku bihurtu zen.

EHEk, AEKk eta GEU elkarteak txosnak irekiko dituzte egunero, eta bertsolariak izanen dira Matxete plazan. Euskalgintzak euskaraz bizitzeko aukera eskaini nahi die herritarrei, baita jaietan ere.

Haurren eguna ospatuko dute gaur Baionako bestetan, eta haurrak Leon erregea itzartzera joanen dira. Aurten lehenbiziko aldiz euskaraz egin nahi dute ekitaldi hunkigarri hori.

Euskaraz Bizi Nahi Dut lemapean eginen dira Euskal Herriko hainbat herritan, eta haurrek zein helduek izanen dute parte hartzeko aukera. Herritarrek euskaraz bizitzeko nahia azaldu dezaten nahi dute antolatzaileek.

Urtero bezala, Jarauta karrikako Depor taberna irekiko du Euskal Herrian Euskarazek. Uztailaren 12an izanen da Euskaraz Bizi bazkaria, eta kontzertuak ere antolatu ditu eragile euskaltzaleak.

Ostiralean urte osoko balorazioa egin zuen Altsasuko (Nafarroa) EHEk herriko euskaltzaleekin batera. Aurtengo oztopo nagusia 6.000 euroko isuna izan da, baina bestelako dinamikekin jarraituko dute aurrerantzean. Euskaltzale guziak biltzen dituen argazkia ere egin zuten.

Zigor Etxeburua Gipuzkoako Foru Aldundiko Euskarako zuzendaria da. Euskaltzale! aldizkariaren 74. alean argitaratutako elkarrizketa osorik irakur dezakezue jarraian.

Euskaltzale! aldizkariaren 74. zenbakia da, 2012ko udaberria-udan argitaratua. Aldizkaria lehenago eta paperean jasotzeko bazkide egin zaitezke.