“Zer da zuretzat euskaraz bizitzea?” galderari erantzunez 85 lagunek parte hartu dute orotara, gehienek gazteen mailan. Iñigo Legorburuk irabazi du helduen mailan, eta Laida Ofizialdegik gazteenean.

Egitarau oparoa prestatu dute, besteak beste, manifestazioa eta Zaraitzu AEK euskaltegiaren inaugurazio ekitaldia. Egunean zehar lortutako etekinak 2010eko Zaraitzuko Euskara Egunean jasotako isuna ordaintzeko izanen dira. Nafarroako beste toki batzuetan ere eginen dira euskararen aldeko bestak.

Euria bota zuen egun osoan zehar, eta horregatik, beste urtetan baino euskaltzale gutxiago bildu ziren Iruñeko Takoneran. Dena den, antolatzaileak kontent azaldu dira milaka lagunek eguraldiari aurre egin ziotelako. Laguntza ekonomikoa emateko kontu korrontea ireki dute.

Hizkuntza eskubideen urraketa salatzeko ezabaketak egin dira Oiartzunen (Gipuzkoa), "Ezabatu eta euskaraz bizi" ekimenaren baitan. Oiartzungo EHEk hizkuntza eskubideak aldarrikatzera animatu ditu herritarrak: "Ekin ezabaketei!!".

Eibarko euskalgintzak antolatutako ekimenean gantxilla eskurik esku eramaten dute Urkizu iturritik Untzagaraino. Kilometro luzeko ibilbidea egin ondotik, euskalgintzak testu bat irakurtzen du. Aurten Asola Berri elkarteak beteko du gantxilla, eta Eibarko Armeria Eskolako zuzendariak irakurriko du bukaerako testua.

Herriko elkarte eta norbanako talde baten ekimena da, eta Kontseilua eta Euskal Herrian Euskaraz eragileen babesa jaso du. Blog bat paratu dute martxan sinadura bilketa errazteko.

"Euskararen gutxienekoak zehazteko adierazpena" aurkeztu du Donostian, Euskal Herriko eragile politiko, sozial, ekonomiko eta kulturalen aitzinean. Euskarak berezkoa, ofiziala, lehentasunezkoa eta ezagutu beharrekoa izan behar duela aldarrikatu du, merezi duen estatusa eduki dezan.

Amenabar enpresak etxebizitza publikoen zozketa irabazi dutenei paperak erdaraz bidali dizkiela salatu du Oiartzungo EHEk (Gipuzkoa). Eragile euskaltzaleak euskaraz bizitzeko eskubidea aldarrikatu du, eta Udalari horrelakorik errepika ez dadin galdegin. Bestalde, etxebizitza lortu dutenak animatu dituzte Almenabarri hizkuntza eskubideak errespeta ditzan exijitu eta Behatokian salaketa jartzera.

Iruñerriko EHEk bi ekimen antolatu ditu "Ezabatu eta euskaraz bizi" kanpainaren baitan. Arrosadia auzoan bertso-bazkaria eginen dute, eta Txantrean bakarrizketak. Eragile euskaltzaleak Euskal Herri osora zabaldu du hizkuntza paisai arrotzari aurre egiteko kanpaina.

Euskalnatura webgunea martxan da. Natura eta natur zientzien inguruko informazioa biltzen duen webgune euskalduna. EHUko hainbat ikasleren ekimena da, urte gutxitan nabarmen handitu egin dena.