Gaur hasiko diren oposaketen iruzurra salatzeko margoketak egin dituzte bart Durangon eta Iurretan (Bizkaia). Bi herrietako osasun zentruetako atarietan "euskaraz bizi nahi dugulako, Osakidetzan euskaraz!" leloak agertu dira, osasungintza euskalduntzearen aldeko kartelekin batera. Lan Eskaintza Publikorako azterketak igandera arte egingo dira Barakaldoko (Bizkaia) BECen. EHEk euskaldunoi eginen zaien iruzurra salatzeko elkarretaratzea deitu du LABekin batera. Bihar izango da, 10:30ean BECeko sarreran.