Altsasun berrogeita hamar lagunetik gorak egin dute bertan ere martxan jarritako “Udalak eta biok, euskaraz” dinamikarekin bat. EHEko kideek eskaerak jaso ondoren, hauek udaletxera eraman eta jarraipena egiteko konpromisoa hartu dute.

Era berean, Apirilaren 5ean Gasteizen ospatuko den Euskaraz Bizi Egunerako deia egin zuten ostiralean. Egitaraua xeheki azaltzen duen kartela aurkeztu eta Sakanatik autobus bat antolatu dutela jakinarazi zuten. Autobusa goizeko 10:30etan atera eta 02:30etan itzuliko da eta izen emateko epea apirilaren 1ean iraungiko da.